Binance-ը՝ աշխարհի առաջատար բլոկչեյն էկոհամակարգերից մեկը և առևտրի ծավալով աշխարհում խոշորագույն կրիպտոարժութային բորսան, Հայաստանի օգտատերերի համար պարզեցնում է ԱՄՆ դոլարով (USD) ավանդների մուտքագրման և միջոցների դուրսբերման հասանելիությունը։ Գործառույթն իրականացվում է BPay Global B.S.C.(c)-ի միջոցով՝ Binance խմբի ընկերության, որը լիցենզավորված և կարգավորվում է Բահրեյնի Կենտրոնական բանկի կողմից։
Օգտատերերն այժմ կարող են անմիջապես համալրել իրենց հաշիվը USD արժույթով և միջոցները փոխարկել կրիպտոարժույթների, ինչպես նաև հակառակ ուղղությամբ՝ ֆիատ դրամապանակից, ինչը հեշտացնում է ավանդական և թվային ակտիվների միջև փոխգործակցությունը։
Հաշվի համալրումը հասանելի է SWIFT փոխանցումների միջոցով (Binance-ի կողմից ավանդի համար միջնորդավճար չի գանձվում), ինչպես նաև Visa/Mastercard դեբետային և կրեդիտային քարտերի, Apple Pay և Google Pay համակարգերի միջոցով։ USD միջոցները պահվում են կարգավորվող ֆիատ էլեկտրոնային դրամապանակում (e-wallet) և կարող են օգտագործվել հարթակի ցանկացած բաժնում։
Հաշիվը կարելի է համալրել ԱՄՆ դոլարով՝ տեղական բանկի կողմից թողարկված քարտի միջոցով, ինչպես նաև SWIFT, Apple Pay և Google Pay համակարգերով։ Դրա համար օգտատերը պետք է Binance հավելվածում բացի BPay հաշիվ և ընտրի համալրման հարմար տարբերակը։ Բանկային քարտով, Apple Pay և Google Pay միջոցով կատարված ավանդները մուտքագրվում են անմիջապես, իսկ SWIFT փոխանցումները կարող են տևել մինչև երեք աշխատանքային օր։
BPay Global-ի միջոցով USD արժույթով միջոցների ուղղակի համալրման և դուրսբերման նոր հնարավորությունը ավելի է պարզեցնում ավանդական ֆինանսների և թվային ակտիվների միջև անցումը։ Ընդլայնելով օգտատերերի հասանելիությունը ծանոթ վճարային գործիքներին՝ Binance-ը շարունակում է զարգացնել ենթակառուցվածք, որը թվային ակտիվների օգտագործումը դարձնում է ավելի հարմարավետ, անվտանգ և հասանելի։
«Մենք հավատում ենք, որ ֆինանսների ապագան կառուցվում է փոխկապակցվածության, այլ ոչ թե տարանջատման հիման վրա։ Զարգացնելով լուծումներ, որոնք միավորում են ավանդական ֆինանսներն ու թվային ակտիվները, Binance-ը ժամանակակից ֆինանսական հնարավորությունները դարձնում է ավելի պարզ, հասանելի և հարմարավետ միլիոնավոր օգտատերերի համար», — նշել է Binance-ի Կենտրոնական Ասիայի և Աֆրիկայի տարածաշրջանային ղեկավար Կիրիլ Խոմյակովը։
