2026-ի առաջին եռամսյակում Հայաստանի 1000 խոշոր հարկատուների շարքում ներառվել են 78 ՏՏ ընկերություններ՝ պետական բյուջե վճարելով 28 միլիարդ դրամ, ինչը 2025-ի նույն ժամանակահատվածի համեմատ 9 միլիարդ դրամով գերազանցում է ոլորտի նախորդ ցուցանիշը։
➡️ 1000 խոշոր հարկատուների ցանկում հայտնված ՏՏ ընկերությունները 2026-ի հունվար-մարտ ամիսներին կազմել են ՊԵԿ-ի վերահսկած ընդհանուր եկամուտների 4.4%-ը։
➡️ 78 ընկերությունների կողմից վճարված շահութահարկի ընդհանուր գումարը կազմել է 2 միլիարդ դրամ, որի կեսից ավելին՝ 52%-ը կամ 1,139 միլիոն դրամը, բաժին է ընկել Digitain-ին։
➡️ ՏՏ ոլորտի 20 խոշոր հարկատուներից 16-ի մոտ արձանագրվել է շահութահարկի անկում, որն առավել զգալի է եղել KEH Armenia, Synopsys Armenia և Nexters Studio Armenia ընկերությունների պարագայում։
2025-ի տարեկան տվյալների համաձայն՝ Digitain-ի հասույթում գերակշռող դիրք է զբաղեցրել ՏՏ գործունեությունը։
Ride Tech-ի (Yandex Taxi) բիզնես մոդելի վերլուծությունը ցույց է տվել, որ ընկերությունն առաջին հերթին զբաղվում է թվային հարթակի ստեղծմամբ, մշակմամբ և կառավարմամբ։
Յուրաքանչյուր ընկերության հարկային ցուցանիշը հաշվարկվել է՝ ընդհանուր վճարված գումարներից հանելով ԱԱՀ-ի և ակցիզային հարկի մասով միասնական հաշիվ վերադարձված գումարները։
